Sími 441 6000

Fréttir

Desember

Sælir foreldrar

Nú eru komnar inn myndir á heimasíðuna frá vöfflukaffinu. Hópastarf er komið í jólafrí en við skellum okkur samt í Lubbastundir, lesum sögur og æfum jólalögin. Ef börnin eiga skemmtilegar jólasögur mega þau gjarnan koma með þær og við lesum (kannski ekki samdægurs það fer eftir hvort margir komi með bók).

Á föstudaginn er rauður dagur, allir að mæta í einhverju rauðu, og kirkjuferð kl. 10.00 í Lindakirkju. Við förum fótgangandi báðar leiðir og því þurfa allir að hafa réttu fötin með sér. Vonandi verður gott veður.

kveðja

Magga

Nóvember - fréttir

Sælir foreldrar

Ömmu og afa dagurinn gekk mjög vel en þið getað skoðað myndirnar inn á heimasíðunni. Þar eru líka myndir úr leik og starfi í haust.

Á fimmtudaginn, 8. nóvember er vináttugangan með Núp og Lindaskóla en aðeins tveir elstu árgangarnir taka þátt. Krakkar úr 10.bekk koma í heimsókn til okkar og síðan förum við út að syngja saman. Að því loknu fylgjum við þeim í Lindaskóla ef að veður leyfir. Þeir sem eru eftir heima (Kubbahópur) fá að gera eitthvað skemmtilegt á meðan.

Bestu kveðjur

Magga

September - fréttir

Sælir foreldrar

Í dag fóru elstu börnin í bókasafnið meðan hinir tveir hóparnir byggðu úr einingakubbum í salnum.

Á morgun fellur niður ferðin í Lindaskóla hjá Íslandshóp þar sem við ætlum að vinna haustverkefni í Listaskála.

Allir eru í góðum gír í dag og skelltu sér út í rigninguna núna eftir hádegi.

Næstu tvær vikur verð ég í fríi en ef eitthvað er hafið þá samband við Soffíu eða Sóley.

Kveðja

Magga

Smá fréttir

Sælir foreldrar

Í gær fóru börnin í Hvolpasveit með Evu á bókasafnið meðan aðrir tóku á í salnum. Í morgun kom bangsinn Blær í heimsókn og tekið var fyrir nýtt spjald sem fjallaði um vináttu og hvernig við komum fram við aðra.

Elstu börnin, Íslandshópur, fóru síðan í Lindaskóla en Hvolpasveit og Kubbahópur voru með listræna tilburði í Listaskála.

Bestu kveðjur

Magga

 

 



Þetta vefsvæði byggir á Eplica