Sími 441 6000

Fréttir

Desember

Komið þið sæl

Takk fyrir komuna í jólastundina í síðustu viku

Við á Bláu lind höfum verið dugleg í hinum ýmsum verkefnum. Listaskálinn, deildarhlaðið og salurinn hefur verið vel nýtt og auðvitað var farið út í snjóinn meðan hann var hjá okkur.

Við erum að búa til jólaskraut og syngja jólalög meðfram því að leika okkur og hafa gaman eins og alla aðra daga.

Á morgun er kirkjuferð. Þrír elstu árgangar leikskólans fara í lindakirkju og eru okkar börn boðin velkomin með í fylgd með foreldrum.

Á morgun er einnig rauður dagur en gaman væri ef börnin kæmu í einhverju rauðu

Á heimasíðuna er komið fullt af nýjum myndum í þremur myndaalbúum svo endilega skoðið þær J

f.h. Bláu lind

Harpa

Fréttir

Komið þið sæl

Af bláu lind er allt gott að frétta eins og vanalega. Nóvember er að klárast og desember handan við hornið.

Við erum farin að syngja jólalög og fylgir listi með þeim lögum sem við erum að syngja með.

Hið eiginlega hópastarf fer í frí í desember en við höldum áfram að syngja með Lubba okkar

Söngstundir í sal í desember verða á mánudögum frá og með næsta mánudegi þar sem við ætlum að kveikja á aðventukertunum saman (batterískerti)

Á morgun er foreldrakaffi milli klukkan 14:30 og 16:00

Í næstu viku, föstudaginn 7 des er kirkjuferð en þá fara þrír elstu árgangar (2013, 2014, 2015) leikskólans í Lindakirkju. Okkar börn eru boðin með en eingöngu í fylgd með foreldrum. Þennan dag höldum við líka upp á fullveldisdag íslendinga (1. des), þetta er rauður dagur og mega allir koma í einhverju rauðu. Einnig ætlum við að fá okkur hátíðismat í hádeginu.

f.h.bláu lind

Harpa

Október

Komið þið sæl

Hópastarfið hófst hjá okkur í vikunni og var mjög spennandi að fá að setjast í hópa og gera verkefni. Október er gulur mánuður og ætlum við að æfa okkur að segja hvað við heitum  og kynna okkur gula litinn og gera verkefni tengt því.

Október er einnig stærðfræðimánuður og ætlum við að hafa sérstakan stærðfræðidag í næstu viku þar sem við gerum allskonar skemmtileg verkefni tengd stærðfræði.

Svo langar mig að biðja ykkur um að skoða ofaní aukafatakassana og bæta við ef þarf, það er farið að vanta hjá nokkrum.

Einnig megi þið endilega kíkja reglulega á bleiu og blautþurrku körfurnar á baðinu.

Börnin ykkar eiga líka merkta skúffu inná deildinni sem oft leynast peysur og annað í og um að gera kíkja þangað stundum líka ef eitthvað er „týnt“

Að lokum vil ég minna á skipulagsdaginn í næstu viku, föstudaginn 12. október

f.h. bláu lindar

Harpa

September fréttir

Komið þið sæl

Allt gott að frétta af bláu lind

Nú er september senn að klárast og í næstu viku hefst hópastarfið. Börnunum verður skipt í þrjá hópa og eru þetta tvær stundir á viku sem þessir hópar hittast skipulega. Ég mun senda ykkur í næstu viku hvernig börnin skiptast niður í hópana. Útbúin verða svo spjöld sem skrifað verður á eftir hverja stund hvað við gerðum. Í kjölfarið á þessu vil ég minna þá foreldra sem eiga eftir að koma með möppu fyrir barnið sitt að endilega fara koma með hana þar sem verkefni sem gerð verða í hópastarfi eru sett í möppurnar.

Við eigum þessar fínu skúffur sem við geymum snuð barnanna í eins og þið hafið séð. Þessar skúffur taka þó takmarkað magn og er eiginlega hámarkið þrjú snuð. Hjá nokkrum vill safnast upp og skúffurnar yfirfullar. Við vorum að hugsa um hvort þið getið aðstoðað okkur við að halda þessu snyrtilegu. Tvö snuð eru alveg nóg fyrir okkur, eitt sem notað er og eitt til vara ef hitt týnist. Svo ef barn kemur með snuð að morgni að þið takið úr skúffunni í staðinn eða skiptið við barnið, einnig er líka hægt að reyna muna að taka alltaf heim á hverjum degi auka snuð. Auðvitað skiljum við ef þetta gleymist en værum þakklátar ef hægt væri að aðstoða okkur.

Að lokum ætla ég að skrifa hérna þau lög sem við erum helst að syngja svo þið getið áttað ykkur á hvað börnin eru að syngja heima

Dúkkan hennar Dóru

Litalagið (gulur, rauður…

Kalli litli kónguló

Upp upp á fjall

Upp á grænum grænum himinháum hól

Krókódíll í lyftunni minni

Afi minn og amma mín

5 litlir apar

f.h. bláu lindar

Harpa



Þetta vefsvæði byggir á Eplica